मराठा सेवा संघाचे १० मे २०२५ पासून अकलूजमध्ये महाअधिवेशन तीन दिवस चालणार विचारांचा जागर

मराठा सेवा संघाचे १० मे २०२५ पासून अकलूजमध्ये महाअधिवेशन तीन दिवस चालणार विचारांचा जागर

शोभा यात्रा, सांस्कृतीक कार्यक्रम, व्याख्याने, काव्यसंमेलन, परिसंवाद

संचार वृत्त अपडेट 

मराठा सेवा संघाचे १० मे २०२५ पासून अकलूजमध्ये महाअधिवेशन तीन दिवस चालणार विचारांचा जागर
शोभा यात्रा, सांस्कृतीक कार्यक्रम, व्याख्याने, काव्यसंमेलन, परिसंवाद असलेची माहिती अकलूज येथे कृषी उत्पन्न बाजार समितीच्या कार्यालयामध्ये पत्रकार परिषदेत बोलताना उत्तमराव माने शेंडगे केंद्रीय कार्यकारणी सदस्य यांनी पत्रकार परिषदेत माहिती दिली. त्यावेळी कृषी उत्पन्न बाजार समितीचे अध्यक्ष मदन सिंह मोहिते पाटील धनाजी माने, जिल्हा सचिव हेमलाता मुळीक मनोरमा लावंड जिल्हा अध्यक्ष जिजाऊ ब्रिगेड वनिता कोरटकर प्रियाताई नागणे शारदा चव्हाण मनीषा जाधव सुवर्णा घोरपडे रवींद्र पवार अशोकराव रणवरे दिगंबर मिसाळ नवनाथ कोडक सिद्धेश्वर नागटिळक शिवाजी शिंदे बाळासाहेब पराडे डॉक्टर अमोल माने सचिव राजेंद्र मिसाळ हे पत्रकार परिषदेचे उपस्थित होते.
मराठा सेवा संघाचे स्थापने पासून दरवर्षी प्रत्येक जिल्ह्यात अधिवेशने होतात. यापूर्वी सोलापूर जिल्ह्यात पंढरपूर येथे ८ वे अधिवेशन १९९८ यासाली झाले होते. त्यानंतर महआधिवेशन घेण्याचा मान या वर्षी सोलापूरला मिळाला असून सदर अधिवेशन शनिवार दि. १० मे ते १२ मे २०२५ या दरम्यान अकलूज येथील स.म.शंकरराव मोहिते पाटील स्मृती भवनमध्ये या राज्यस्तरीय महाअधिवेशनाचे आयोजन करण्यात आले आहे. या तीन दिवसात विचारांचा जागर चालणार आहे. सांस्कृतीक कार्यक्रम, व्याख्याने, काव्यसंमेलन, परिसंवादसह विविध कार्यक्रमाचे आयोजन करण्यात आले आहे. या आधिवेशनाला राज्यभरातून मराठा सेवा संघाचे पदाधिकारी सभासद व समाज बांधव उपस्थित राहणार आहेत. साधारण पंधराशे लोक प्रत्येक दिवशी हजेरी लावतील. सर्वांची चहापान व भोजनाची व्यवस्था केली आहे. तसेच राज्यभरातून येणाऱ्यांची मुक्कामाची सोय केली आहे.

शनिवार दि. १० मे रोजी दुपारी २ वाजता माजी उपमुख्यमंत्री विजयसिंह मोहिते पाटील यांच्या हस्ते उदघाटन व पालकमंत्री जयकुमार गोरे, मराठा सेवा संघाचे संस्थापक अध्यक्ष अॅड पुरुषोत्तम खेडेकर यांचे उपस्थितीत प्रदेशाध्याक्ष विजय घोगरे यांच्या अध्यक्षतेखाली उदघाटन संपन्न होणार आहे. या उद्घाटन सोहळ्यास प्रमुख उपस्थित म्हणून अकलूज कृषि उत्पन्न बाजार समितीचे सभापती तथा संमेलनाचे स्वागताध्यक्ष मदनसिंह मोहिते पाटील, खासदार धैर्यशील मोहिते पाटील, आमदार रणजितसिंह मोहिते पाटील, आमदार दिलीप सोपल, आमदार समाधान आवताडे, आमदार अभिजित पाटील, आमदार उत्तम जानकर, आमदार नारायणआबा पाटील, आमदार राजू खरे व सेवा संघाचे प्रदेश पदाधिकारी उपस्थित राहणार आहेत. उ‌द्घाटनपूर्व सत्रात सकाळी ११ वाजता मराठा सेवा संघ व ३३ कक्ष बळकटीकरण व पुर्नबांधणी या विषयावर मराठा सेवा संघाचे संस्थापक पुरुषोत्तम खेडेकर साहेब मार्गदर्शन करणार आहेत. कार्यालयीन सचिव सोमनाथ लडके, धनंजय पाटील या सत्रास उपस्थित राहणार आहेत.

दुपारी २ ते २.३० वाजता शिवशाहीर राजेंद्र कांबळे यांचा शाहीरी कार्यक्रम, अकलूज इतिहास व विकास (डॉक्यूमेंट्री), महाराणी येसूबाई यांच्या जीवनावरील एकपात्री प्रयोग ‘श्री राज्ञी सखी जयति’, आदी कार्यक्रमांचे आयोजन केले आहे. सायंकाळी जिजाऊ ब्रिगेडच्या वतीने अकलूज शहरातून भव्य संस्कृती यात्रा व ग्रंथ दिंडी काढण्यात येणार आहे, रात्री ‘जागर विचारांचा, जागर संस्कृतीचा’ या सांस्कृतिक कार्यक्रमाचे आयोजन करण्यात आले आहे.
रविवार दि. ११ मे रोजी सकाळी सूर्योदयाच्या कविता या अंतर्गत अनेक मान्यवर कवींच्या कविता सादर केल्या जातील, पुढील सत्रात प्रा. प्रेमकुमार बोके, अंजनगाव सुर्जी यांचे इतिहासाचार्य मा. म. देशमुख बहुजन इतिहास व प्रबोधनाचे अर्ध्वयू या विषयावर तसेच त्यानंतर प्रा. शरद पाटील यांची इतिहास मिमांसा आणि मार्क्स, फुले, आंबेडकरवाद या विषयावर डॉ किशोर ढमाले यांचे व्याख्यान होणार आहे. तसेच बहुजन चळवळींचा समन्वय आवश्यकता आणि कृती कार्यक्रमा अंतर्गत प्राचार्य डॉ. दिलीप चौधरी, चंद्रपूर यांचे भाषण होणार आहे.

दुपारी व्याख्याते डॉ. अशोक राणा, यवतमाळ यांचे मराठा इतिहास आणि व्देषाचे राजकारण या विषयावर विशेष व्याख्यान होइल. व्याख्याते डॉ. सतिश तराळ अमरावती यांचे मराठा समाजाच्या सांस्कृतिकरणाची आवश्यकता या विषयावर व्याख्यान होणार आहे. त्यानंतर जीवन जगा आनंदाने, जीवन जगा मनसोक्त या विषयावर संजय कळमकर यांचे तर त्यानंतर प्रबोधनाची देशियता आणि वैश्विकता या विषयावर प्रा. डॉ. शरद बविस्कर यांचे व्याख्यान होणार आहे. सायंकाळी विजय चोरमारे यांचे माध्यम जगत आणि मराठा समाज या विषयावर तर निर्मलकुमार देशमुख यांचे आंतरराष्ट्रीय घडामोडी आणि मराठा सेवा संघ या विषयावर व्याख्यान होणार आहे. याच दिवशी रात्री गझल मैफल आयोजित करण्यात आली आहे.

सोमवार दि. १२ मे रोजी समारोप होणार आहे. यादिवशी सकाळी नवोदित कवींचे काव्यसंमेलन, त्यानंतर परिसंवाद होणार आहे. त्यानंतर नाचू किर्तनाचे रंगी या विषयावर गंगाधर बनबरेसरांचे व्याख्यान, दुपारी महिलांचे जग आणि जगणे या विषयावर स्नेहा टोम्पे, यवतमाळ यांचे व्याख्यान, त्यानंतर नित्य नवे कायदे, नित्य नवा संघर्ष या विषयावर अॅड. मिलिंद पवार, पुणे यांचे व्याख्यान, कला क्षेत्रातील जातवाद आणि बहुजन समाज या विषयावर किरण माने सिने कलाकार यांचे व्याख्यान होईल. समारोपीय सत्रात जिल्ह्यातील मान्यवर व्यक्तींना पुरस्कार देऊन सन्मानित करण्यात येणार आहे. यामध्ये कला जोपासक जयसिंह उर्फ बाळदादा मोहिते पाटील यांना राजश्री छत्रपती शाहू कला आश्रयदाता पुरस्कार देऊन सन्मानित करण्यात येणार आहे. सामाजिक क्षेत्रात अक्कलकोट अन्नछत्राचे संस्थापक जन्मंजोय भोसले, सिने क्षेत्रासाठी नागराज मंजुळे व किरण माने आणि शाहिरी कलेसाठी शिवशाहीर राजेंद्र कांबळे यांना पुरस्कार देऊन सन्मानित करण्यात येणार आहे. संध्याकाळी महिलांसाठी लावणी सम्राज्ञी सुरेखा पुणेकर यांचा लावणी उत्सव असे भरगच्च कार्यक्रम होणार आहेत.

१९९८ नंतर प्रथमच सोलापूर जिल्ह्यात मराठा सेवा संघाचे आधिवेशन होत आहे. त्यामुळे सर्व पदाधिकारी कार्यकर्ते अत्यंत उत्साहात तयारी करत आहेत. या निमित्ताने सोलापूर जिल्ह्यातील समाज बांधव व भगिनींना विचारांची आगळीवेगळी मेजवानी मिळणार आहे. तरी माळशिरस तालुका व सोलापूर जिल्ह्यातील युवक, युवती, महिला व पुरुष यांनी आवर्जुन उपस्थित राहवे असे आवाहन मराठा सेवा संघ माळशिरस तालुका व सोलापूर जिल्ह्याच्यावतीने करण्यात आले आहे