जीवन जानकर यांच्या गाडीने घेतला पेट जानकर यांच्या सजगतेने दुर्घटना टळली
संचार वृत्त अपडेट
सोलापूर-मंगळवेढा रस्त्यावर देगाव तांडा येथील पंपावर पेट्रोल माळशिरसचे आमदार उत्तम जानकर यांच्या मुलाच्या स्कॉर्पिओ गाडीने अचानक पेट येतला. प्रसंगावधान राखून गाडी तातडीने पेट्रोल पंपाच्या बाहेर आणली आणि मोठ्या चपळाईने गाडीतून उतरल्याने मोठी दुर्घटना टळली. हा प्रकार शुक्रवारी दुपारी घडला.आमदार उत्तम जानकर यांचे चिरंजीव जीवन जानकर हे कामानिमित्त पासपोर्टकार्यालयात आले होते. काम झाल्यानंतर ते परत माळशिरसला जात असताना सोलापूर शहरापासून चार किलोमीटर अंतर गेल्यानंतर सोलापूर-मंगळवेढा रस्त्यावर देगाव तांडा येथील पंपावर पेट्रोल भरण्यासाठी गेले होते. त्यांनी पेट्रोल भरण्यासाठी गाडी उभी केली. पंपावर पेट्रोल भरण्यासाठी गाडी उभी करताच गाडीतून धूर निघत असल्याचे तेथील कर्मचाऱ्याच्या लक्षात आले.त्यांनी जीवन जानकर यांना सांगून गाडी पंपाबाहेर घेण्यास सांगितले. जानकर यांनी तातडीने गाडी सुरू करून पंपाच्या बाहेर आणली. पंपातून बाहेर येताच गाडीने अचानक पेट घेतला. प्रसंगावधान राखून जीवन जानकर हे गाडीतून तातडीने खाली उतरले, त्यामुळे ते सुरक्षित आहेत. दुपारची वेळ असल्याने उष्णताही मोठ्या प्रमाणात होती, त्यामुळे आगीने रौद्ररुप धारण केले. आगीचे लोटच्या लोट दिसत होते. महापालिकेच्या अग्निशमन यंत्रणेला तातडीने पाचारण करण्यात आले. तोपर्यंत गाडी बऱ्यापैकी जळून खाक झाली होती.
देगाव तांडा येथील पेट्रोल पंपावरील घटना तर मोठी दुर्घटना घडली असती
धूर निघत असतानाही जीवन जानकर यांनी मोठ्या मुश्किलीने गाडी पंपाच्या बाहेर काढली. गाडीला पंपावरच आग लागली असती तर मोठी दुर्घटना घडली असती. अत्यंत ज्वलनशील असलेले पेट्रोल आणि डिझेलच्या टाक्या जवळ होत्या, त्यामुळे जानकर यांनी अवघ्या काही सेकंदात गाडी पंपाच्या बाहेर काढली, त्यामुळे दुर्घटना टळली, असेच म्हणावे लागेल.
