अकलूज बाजार समितीमध्ये डाळींबाला ३०१/- रु. प्रति किलो उच्चांकी दर
संचार वृत्त अपडेट
सहकार पंढरी अशी ओळख असलेल्या अकलूज बाजार समितीमध्ये डाळींबाला३०१/- रुपये प्रति किलो उच्चांकी दर मिळाल्याने सहकार पंढरी डाळींब पंढरी म्हणून पुढे येत आहे.
अकलूज बाजार समितीमध्ये सिध्दीविनायक फ्रुट कंपनीचा सागर नागणे यांचा आडत दुकानी श्री दत्तात्रय पाटील रा. फोंडशिरस या शेतकऱ्याच्या भगवा जातीचा डाळींबाला ३०१/- रुपये प्रति किलो दर मिळाला तसेच बालाजी फ्रुट कंपनी चालक अमोल जाधव यांच्या आडत दुकानी श्री शेतकरी युवराज मारकड रा. मारकडवाडी यांचा भगवा जातीचा डाळींबाला ३०१/- रुपये प्रति किलो दर मिळाला व जयअंबे फ्रुट कंपनी चालक मनोज जाधव यांच्या आडत दुकानी श्री तुकाराम पावले तसेच मोहम्मद साद फ्रुट कंपनी चालक राजूभाई बागवान यांच्या आडत दुकानी श्री अंकुशराव केचे यांचा भगवा जातीचा डाळींबाला ३०१/- रुपये प्रति किलो दर मिळाला. तसेच शेतकरी गणेश लवटे रा. फोंडशिरस यांच्या डाळींबाला गेले आठ दिवस दररोज २५०/- रुपये प्रति किलो दराने डाळींबीची विक्री होत आहे. सौदे बाजाराच्या वेळी सर्व आडते, खरेदीदार व शेतकरी वर्ग मोठ्या प्रमाणात उपस्थित होता.
डाळींब पुर्व सिझन सुरु होत असताना चांगल्या दरामुळे शेतकरी वर्गामध्ये आनंदाचे वातावरण निर्माण झाले आहे. अकलूज बाजार पेठ मध्यवर्ती असल्याने इंदापूर, माढा, माण, खटाव, फलटण येथून शेतकरी डाळींब विक्रीसाठी अकलूज बाजार समितीकडे आणत आहेत.
बाजार समितीमध्ये शेतमालाची योग्य प्रतवारी मापाडी/ तोलार यांच्याकडून चोख वजन शेतमालाची रोख पट्टी या गोष्टीमुळे अकलूज बाजार समितीचे नाव झाले आहे. बाजार समितीचे सभापती मा. मदनसिंह मोहिते पाटील व संचालक मंडळ यांच्या मार्गदर्शनाखाली बाजार पेठेमध्ये सुक्ष्म नियोजन व पायाभूत सुविधा यामुळे बाजार घटक समाधानी आहेत.
