कारमध्ये सापडले पाच कोटी सांगोल्याची गाडी पकडली
संचार वृत्त अपडेट
राज्यात विधानसभा निवडणुकांमुळे निवडणूक आयोगाने आदर्श आचारसंहिता लागू केली आहे दरम्यान अशातच पुणे जिल्ह्यातील भोर जवळ बड्या नेत्याशी संबंधित असलेल्या कारमध्ये मोठं घबाड सापडले राजगड पोलीस स्टेशनच्या हद्दीत नाकाबंदीच्या वेळेस एका गाडीत पाच कोटीची रोकड आढळून आली आहे विधानसभा निवडणुकीच्या अनुषंगाने पोलिसांनी अनेक ठिकाणी नाकाबंदी सुरू केली आहे याच नाकाबंदीच्या वेळेस एका गाडीत अंदाजे पाच कोटी रुपयांची रोकड पोलिसांना आढळून आली आहे इन्कम टॅक्स व संबंधित विभागांना या संदर्भाची माहिती देण्यात आली आहे पुण्यात आज दि 21 संध्याकाळी साडेसहाच्या सुमारास ही कारवाई करण्यात आली आहे
अधिकची माहिती अशी की पुणे ग्रामीण पोलिसांनी खेड शिवापुर टोल नाक्यावर नाकाबंदी दरम्यान पकडली आहे इनोवा क्रिस्टा ही कार आहे ही कार सांगोल्याची आहे नलवडे नावाच्या व्यक्तीचे ही गाडी आहे या कारमधून ही रोकड सांगोल्याला नेण्यात येणार होती ही कार सत्ताधारी नेत्याच्या संबंधित व्यक्तीची आहे पुणे ग्रामीण पोलीस या सर्व प्रकरणात गुन्हा दाखल करण्याचे काम करत आहेत निवडणूक आयोगाचे अधिकारी देखील त्या ठिकाणी दाखल झाले होते तपासा अंतिम याबाबत मोठा खुलासा होण्याची शक्यता आहे
पुणे सातारा रस्त्याने एका वाहनातून मोठी रक्कम घेऊन जाणार असल्याचे माहिती राजगड पोलिसांना मिळाली होती त्यानुसार राजगड पोलिसांनी सोमवारी दुपारी पासूनच खेळ शिवापूर टोल नाक्यावर सापळा रचला होता सायंकाळी सहा वाजण्याच्या सुमारास संशयित वाहन टोलनाक्यावर आले त्यावेळी त्या वाहनाची तपासणी केली असता त्यामध्ये रोख रक्कम असल्याचे दिसून आले पोलिसांनी संबंधित वाहन पोलीस ठाण्याला आणून त्यातील रोख रक्कम ताब्यात घेतली तसेच या वाहनातील चार जणांनाही चौकशीसाठी ताब्यात घेतले आहे चौकशीत ही गाडी सोलापुरातील एका बड्या नेत्याची असल्याची चर्चा त्या ठिकाणी सुरू होती रात्री उशिरापर्यंत कारवाई करण्याचे काम सुरू होते.
संजय राऊत ट्विटर वर लिहितात, मिंधे टोळीतील एका आमदाराच्या गाडीत खेड शिवापुर टोल नाक्यावर 15 कोटी सापडले! हे आमदार कोण? काय झाडी काय डोंगर मिंदे यांनी निवडणुकीसाठी प्रत्येक उमेदवारास 75 कोटी पाठवले पंधरा कोटीचा हा पहिला हप्ता काय बापू… किती हे खोके असा सवाल ही संजय राऊत यांनी केलाय.
