दि.सासवड माळी कारखान्याने दुसरा हप्ता त्वरित द्यावा ऊस उत्पादकाची मागणी
संचार वृत्त अपडेट
दि सासवड माळी शुगर माळीनगर कारखान्याचा अग्नी प्रदीपन व बॉयलर पूजन कारखान्याचे माजी ज्येष्ठ मॅनेजिंग डायरेक्टर प्रदीप जाधव यांच्या हस्ते करण्यात आले.
गत हंगामातील ऊसाला ३०००/- रुपये दर जाहीर करावा
कारखान्यांने बॉयलर अग्नी प्रदीपन होऊन आता कारखान्यांची मोळी पूजनाची तयारी लवकरच सुरू होईल. पण अद्याप पर्यंत हंगाम २०२४/२५ गाळपास आलेल्या उसाचा कारखाना प्रशासनाने दुसरा हप्ता जाहीर केला नाही. अंतिम दर काय असेल यावर जाहीर वाच्यता केलेली नाही. २०२५/२६ गळीत हंगाम अवघ्या पंधरा दिवसावर येऊन ठेपला आहे तरीही ऊस दराची अंतिम हप्त्याची कोंडी अद्याप पर्यंत फोडलेली नाही तरी कारखाना प्रशासनाने गत हंगामातील उसाचा मिळालेला दर 2750/- व अधिक 250/ रू. असा एकूण दर ३०००/-जाहीर करून २५०/- रुपये त्वरित ऊस उत्पादकांना द्यावेत अशी मागणी ऊस उत्पादक सभासद समीर पांढरे, हेमंत रासकर यांनी बॉयलर पूजन कार्यक्रमाप्रसंगी कारखाना प्रशासनास केली.
