स्वाभिमानी शेतकरी संघटनेच्या मागणीला बळ ? ऊस उत्पादकांच्या पाणीप्रश्नावर महर्षी कारखान्याचे पत्र

स्वाभिमानी शेतकरी संघटनेच्या ऊस आंदोलनाला बळ ? 

स्वाभिमानी शेतकरी संघटनेला दिले महर्षी कारखान्याने लेखी आश्वासन

संचार वृत्त अपडेट (लक्ष्मीकांत कुरुडकर) 

गाळप हंगाम २०२६-२०२७ मध्ये सहकार महर्षी शंकरराव मोहिते-पाटील सहकारी साखर कारखान्याच्या कार्यक्षेत्रातील समाजजीत व निम्न समाजगटातील ऊस उत्पादक शेतकऱ्यांच्या उसाला पाण्याची तीव्र टंचाई भेडसावत असल्याने ऊस पाण्याअभावी सुकण्याची भीती निर्माण झाली आहे. या पार्श्वभूमीवर ऊस उत्पादकांच्या खांद्याला खांदा लावून स्वाभिमानी शेतकरी संघटनेने सुरू केलेल्या आंदोलनात कारखाना प्रशासनाने सहकार्य करण्याची भूमिका घेतली आहे. यासंदर्भात कारखान्याने १२ ऑक्टोबर २०२६ रोजी स्वाभिमानी शेतकरी संघटनेच्या अध्यक्षांना अधिकृत पत्र दिले आहे.
कारखान्याचे कार्यकारी संचालक यांनी दिलेल्या या पत्रात म्हटले आहे की, गाळप हंगाम २०२६-२०२७ मध्ये कारखाना कार्यक्षेत्रातील समाजजीत व निम्न समाजगटातील ऊस उत्पादकांच्या उसाला पाणी मिळत नसल्याने मोठी अडचण निर्माण झाली आहे. पाण्याच्या मागणीसाठी शेतकरी ऊस पाण्याअभावी सुकत असल्याच्या तक्रारी करत आहेत. अशा परिस्थितीत ऊसतोडणी आणि वाहतूक यंत्रणा विस्कळीत झाली, तर भविष्यात ऊस तोडणी करण्यासाठी आवश्यक यंत्रणा उपलब्ध होणार नाही, अशी चिंता कारखाना प्रशासनाने व्यक्त केली आहे.

ऊस उत्पादक शेतकऱ्यांच्या उसाला पाणी मिळावे, ही मागणी महत्त्वाची असून, या प्रश्नावर सुरू असलेल्या आंदोलनात कारखाना प्रशासन सहकार्य करण्यास तयार असल्याचे पत्रात स्पष्ट करण्यात आले आहे. ज्या समाजगटांतील शेतकऱ्यांना उसासाठी पाणी मिळत नाही, त्यांचा प्रश्न सोडविण्यासाठी सामूहिक प्रयत्नांची आवश्यकता असल्याचे या भूमिकेतून अधोरेखित होत आहे.कारखान्याने स्वाभिमानी शेतकरी संघटनेला दिलेल्या पत्रात ऊसतोडणी व वाहतूक यंत्रणा विस्कळीत होण्याचे संभाव्य परिणाम स्पष्ट करतानाच, शेतकऱ्यांच्या पाणीप्रश्नाकडेही लक्ष वेधले आहे. त्यामुळे आता ऊस उत्पादकांच्या पाणीटंचाईच्या प्रश्नावर संबंधित यंत्रणा कोणती भूमिका घेते आणि शेतकऱ्यांना प्रत्यक्ष दिलासा कधी मिळतो, याकडे लक्ष लागले आहे.
ऊस हे शेतकऱ्यांचे महत्त्वाचे नगदी पीक असून, पाण्याअभावी ऊस सुकल्यास शेतकऱ्यांचे आर्थिक नुकसान होण्याची शक्यता आहे. त्यामुळे समाजजीत व निम्न समाजगटातील ऊस उत्पादकांना पुरेसे पाणी मिळावे, यासाठी तातडीने उपाययोजना करण्याची गरज निर्माण झाली आहे. कारखान्याने स्वाभिमानी शेतकरी संघटनेला दिलेल्या पत्रामुळे या प्रश्नाला अधिक महत्त्व प्राप्त झाले असून, आगामी काळात या आंदोलनातून कोणता मार्ग निघतो, याकडे ऊस उत्पादकांचे लक्ष लागले आहे.